Претседателот на Србија, Александар Вучиќ, денеска изјави дека Приштина на 15 декември ќе поднесе барање за членство во Европската унија, што, како што нагласи, е „директно уривање“ на Вашингтонскиот договор.
Вучиќ на прес-конференцијата рече дека денеска испратил писмо до претседателите и премиерите на петте земји од Европската унија кои не го признаа независното Косово – на Кипар, Грција, Романија, Словачка и на Шпанија, бидејќи само суверени независни држави можат да аплицираат за членство во ЕУ.
Тој рече и дека Србија допрва треба да се соочи со правна битка против барањата на Приштина и најави дека најголем притисок врз Србија очекува од 17 декември кога во Белград треба да бидат претставници на Германија, Франција, Америка и Брисел.
Српскиот претседател, говореше и за случувањата во севено Косово и соопшти дека денеска е договорен текст со кој ќе се испрати барање до командантот на КФОР да обезбеди распоредување на припадници на српската војска и полиција. Резолуцијата 1244 на Советот за безбедност на ОН потврди дека договорениот број српски воен и полициски персонал ќе може да се врати.
Тој рече дека досега немало разговори со КФОР за враќање на српскиот персонал.
– Немам илузии, а знам дека ќе го одбијат тоа барање.КФОР е должен да го одобри тоа барање.Тоа не е можност, туку обврска за КФОР. Ќе најдат безброј причини, иако немаат право на тоа, да кажат дека ја „контролираат ситуацијата“ и дека „нема потреба од тоа – рече Вучиќ
