Менаџерот на Ливерпул, Јирген Клоп е претпазлив пред реваншот со Интер во осминафиналето на Лигата на шампионите и вели дека неговиот тим не ја завршил работата иако има предност од 2-0 од првиот дуел.
„Црвените“ со славјето во Милано практично со едната нога зачекорија во четвртфиналето. Сепак, Германецот не сака ништо да препушти на случајноста пред новата пресметка на „Енфилд“.
„Предноста од 2-0 е надокнадувачка. Ако мислите дека сте на половина пат, тогаш сте на погрешен пат. Тоа е многу подобар резултат отколку што очекувавме, не беше лесно. Сега ни доаѓаат по победата од 5-0 над фенерот во Серија А (Салернитана, прим.аут). Лаутаро Мартинес постигна гол, Един Џеко исто така. Навистина сум среќен што не игра Николо Барела, бидејќи мислам дека учествуваше во четири гола. Тоа е навистина добар тим, тие не доаѓаат овде како туристи. Ќе нападне“, внимателен е Клоп.
Заморот може да има значително влијание.
“Играме недела, потоа среда, сабота и потоа вторник. Тоа е страшен распоред. Би било добро кога би можеле да направиме некои промени на клучните позиции, во возењето, во врската… Ако не – тогаш не”, додава Јирген.
Натпреварот Ливерпул – Интер е закажан за вторник од 21 часот.
