Една од најпознатите хрватски пејачки Северина Вучковиќ предизвика вистинска лавина коментари на социјалните мрежи. Таа на својот инстаграм-профил сподели неколку фотогорафии од својот нов спот за песната „Верувам во Господ“.
Необичната облека и уште поинтригантниот наслов на песната предизвикаа реакции кај сите кои го видоа нејзиното ново претставување.
Заедно со фотографиите на социјалните мрежи беше напишано и следново:
„Приватниот живот на Северина е изложен на јавноста сакала и не, а содржи и многу страдања и тага, но и многу среќа. Го преживеа објавувањето на приватни снимки и фотографии, одземањето на детето, речиси стотина судски тужби, една венчавка и развод. Далматинка, која помина низ сито и решето што Бог може да го намени за една жена, Северина покажа дека е успешна во тоа да ги преживее бродоломите. Дури и кога стопати ќе ја скршат и разделат на атоми. Ова е жената за која пее Северина во песната „Верувам во Господ“, а преку која всушност ја преиспитува својата вера и искрено и цинично се осврнува на своите животни грешки“, пишува во соопштението што нејзиниот ПР-тим го испрати до медиумите.
Она што ја заинтригира јавноста е фустанот од спотот. За него соработниците на Северина дадоа посебно објаснување за тоа.
Имено, станува збор за фустан кој се носи преку глава, од дизајнерскиот бренд „Коперни“, чии основачи и дизајнери на Модната недела во Париз во живот со спреј го нацртаа фустанот на Бела Хадид.
Како и многупати досега, Северина отиде чекор понапред од сите и успеа да предизвика реакција кај сите. Слободно може да се каже дека уште еднаш го подели целиот Балкан.
Меѓу коментарите за убавата сплиќанка имаше и такви кои ѝ дадоа ветер во грб, но имаше и такви кои коментираа дека всушност претерала бидејќи во еден дел од видеото е облечена како калуѓерка, а во другиот е прилично гола.
