Лидерот на Левица, Димитар Апасиев во фејсбук-статус вели дека градот Скопје не треба да биде целсоно блокиран поради приватен долг и предлага полицијата да им пишува казни на приватните автобуски превозници кои утро повторно ја блокираа Илинденска, Мавровка, Црвен Крст.
„Јас разбирам БЛОКАДА на главен град заради јавен интерес или политички барања. Но, да блокираш цел град заради приватен долг (облигационен однос) – е тоа не го контам баш!?
И сега МВР – Сообраќајна полиција…“, пишува Апасиев и додава:
„Како што знаевте летоска да им пишете казни на нашите активисти кои блокираа со автомобили заради Францускиот предлог, постапете исто и кон приватњаците-ГАЗДИ на најружните и најпрљавите автобуси во свет, кои се паркирани на булеварите низ Скопје“.
