Кучињата се порелаксирани кога патуваат во електричен автомобил отколку во возило со дизел мотор, покажа една британска анализа.
Онлајн пазар за возила CarGurus се здружи со англискиот Универзитет Линколн во нова студија која ги разгледа ефектите врз кучињата од патувањето со дизел автомобил наспроти електрично возило.
Во дводневната анализа беа вклучени 20 кучиња, од кои секое беше однесено на две патувања од 10 минути со автомобил – едно во електрично возило, едно со дизел.
Нивното однесување беше анализирано за време на патувањето.
Студијата предводена од Даниел Милс, професор по ветеринарна бихејвиористичка медицина на Универзитетот во Линколн, покажа дека кучињата се понемирни во дизел автомобилите во споредба со електричните возила. Утврдено е дека знаците на болест при движење се намалуваат и кај електричните автомобили.
Анализата, исто така, покажа дека нема докази што укажуваат на тоа дека електричните возила имаат штетно влијание врз благосостојбата на кучињата, при што преминот за кучињата помеѓу дизел и електрични патувања е „непречен“.
Кучињата во студијата лежеа околу една третина од патувањето во двата автомобили, но кај дизел возилата кучињата ги менуваа позициите во просек 50 проценти повеќе пати отколку во електричното возило.
Таа разлика најверојатно е предизвикана од промена на нивоата на вибрации, се вели во студијата.
Професорот Милс вели дека до сега немало такви студии.
„Знаеме дека повеќето кучиња ќе патуваат со автомобил во одреден момент од животот, ако не и секој ден. Меѓутоа, бидејќи електричните возила се повеќе преовладуваат меѓу возачите, до сега немало студии за нивното влијание врз кучињата“, рече тој.
„Нашите резултати јасно покажуваат дека кучињата се чини дека се порелаксирани во електричните возила, особено кога гледаат колку се немирни“, заклучил Милс.
Дополнително, додава тој, интересно и малку неочекувано откритие на студијата е нивото на болест на движење кај кучињата.
