Денеска ја предводев делегацијата од Министерството за внатрешни работи на Република Северна Македонија, поточно од Секторот за меѓународна полициска соработка во работна посета на Стариот град на Ерусалим, каде што е стационирана полициската станица во надлежност на областа Ерусалим, каде имавме можност да се запознаеме со работата на израелските колеги, истакнува директорот на БЈБ Сашо Тасевски.
За време на посетата имавме средба со Комесарот на израелската полиција г. Јаков Шабтаи, како и командирот на полицијата на областа Ерусалим г. Дорон Тургеман, а воедно ги посетивме и Базиликата на Светиот Гроб и Ѕидот на Плачот.
За време на посетата на полициската станица, од страна на нашите израелски колеги, ни беа презентирани сложените ситуации со кои се справуваат на секојдневна основа, со лицата од различни религии и многуте туристи, како и тактиките за набљудување, работа на полицијата со заедницата и одржување на непристрасност кон различните религии, се со цел одржување на безбедноста и нормалното функционирање.
