Нашиот јужен сосед ги обзнани новите правила за патување, а тие освен за Македонија, важат и , за сите патници од ЕУ-земји и од Шенген-зоната, но и за 33 земји кои не се членки, вели македонското Министерство за надворешни работи во соопштение. Еве што ќе ви биде потребно за пат во Грција:
Сертификат за вакцинација: доколку имате навршено најмалку четиринаесет (14) дена од вакцинацијата и не повеќе од 9 месеци по завршувањето на основната вакцинација или без временско ограничување за патниците кои ја примиле и третата доза, потврда за прележана болест по лабораториско тестирање со методот PCR или по контрола со користење на брзи антигенски тестови.
Европскиот дигитален сертификат за прележана болест се издава четиринаесет (14) дена по првиот позитивен тест и неговата важност трае до сто и осумдесет (180) дена по тестот; или негативни резултати од лабораториски тест со методот PCR спроведен во последните седумдесет и два (72) часа пред нивното пристигнување во Грција или со брз антиген тест (rapid test) во рок од дваесет и четири (24) часа пред пристигнувањето во Грција.
