Директорот на Агенцијата за атомска енергија, Рафаел Гроси, чиј тим експерти денеска ќе проверат дали има штета во најголемата европска нуклеарна централа Запорожје, на југот на Украина, изјави дека секој што ќе отвори артилериски оган врз таа електрана. се „игра со оган“.
Агенцијата објави дека за време на викендот одекнале повеќе од десет експлозии во близина на нуклеарната централа, што е вознемирувачко и неприфатливо.
„Кој и да стои зад ова мора веднаш да престане. Како што сум кажал многу пати – си играте со оган“, рече Гроси.
Запорожје е под руска контрола, а Москва и Киев меѓусебно се обвинуваат дека отвориле артилериски оган, наведува АП.
Раководството на електраната тврди дека е забележана штета на некои згради, системи и опрема, но дека ситуацијата не е критична што се однесува до нуклеарната безбедност.
