На депонијата Дрисла денеска се уништени 67.000 дози вакцини „Фајзер“, „Астра Зенека“ и помал дел „Синофарм“, со изминат рок на употреба, соопшти Министерството за здравство.
Уништувањето на вакцините се реализира во неколку фази, почнувајќи од денеска, а ќе продожи и во текот на следната недела кога ќе бидат уништени уште 200.000 дози.
Целата постапка е реализирана во соработка со Институтот за трансфузиологија.
„Сите вакцини кои се користат во моментот се сигурни и безбедни, a согласно законската процедура вакцините на кои им поминува рокот, најпрво се повлекуваат од употреба, а потоа почнува постапка за нивно уништување, во соработка со МАЛМЕД“, се наведува во соопштението.
