Сезоната на паѓање лисја ни носи плод кој е многу здрав и вредно кога се во прашање хранливи материи, минерали и витамини. Тоа е костен, кој освен што додава во разни деликатеси, може да биде и лек.
Како и другите јаткасти плодови, и костенот содржи масти, но во помала количина. Не дебелее и содржи витамини кои одлично ќе делуваат на организмот. Здрава количина на костени дневно, за да ги добиете сите негови позитивни својства, е 85 грама.
Хранливи својства на костенот
Костенот содржи само еден грам масти и помалку од 70 калории на 30 грама. Содржи и витамин Ц, што го прави посебно овошје. Дневната доза од 85 грама костени содржи дури 45 отсто од дневните потреби на организмот за витамин Ц.
Овошјето од костен е богато со фолати, што е карактеристика на зелениот лиснат зеленчук. Покрај витаминот Ц, во него ќе најдете и витамини Б1, Б2 и Б6 и фолна киселина. Тој е одговорен за формирање на црвени крвни зрнца и синтеза на ДНК. Оваа храна е добра за трудниците, бидејќи спречува појава на аномалии кај плодот.
Со јадењето костени ќе внесете во организмот важни материи како влакна, магнезиум, бакар, манган, калциум, железо, цинк и калиум.
Со конзумирање на костени, влакната ќе помогнат да се намали нивото на холестерол. Од костен може да се направи брашно и пире, бидејќи, како и лешниците и бадемите, тие се без глутен. Од друга страна, има поголем процент на скроб, поради што повеќе наликува на компирот и пченката.
Костен како лек
Ова овошје можете да го јадете варено, печено, пире или подготвено во чај. Во која било форма, ќе го почувствувате неговиот интересен вкус и ќе ги добиете сите нутритивни вредности.
Чај од костен
Познато е дека костените помагаат при проблеми со дигестивниот систем и бубрезите. Чајот од костен помага при симптоми на астма и бронхитис.
Коњски костен за вени
Важно е да се знае како да се разликува дивиот костен од домашниот костен, бидејќи дивите костени не се јадат. Без разлика, од него се прават разни тинктури и креми, бидејќи е и многу лековит.
Коњскиот костен како лек се користи за проблеми со зголемени вени и скршени капилари, хемороиди, болна менструација и зголемена простата.
Костените содржат високо ниво на мононезаситени масти, како што се олеинските и палмитинските. Тие го штитат кардиоваскуларниот систем и ќе помогнат, заедно со влакната во костенот, да го намалат нивото на холестерол.
Го исфрла вишокот вода
Костенот има способност да ја исфрли водата од организмот, па помага при проблеми со бубрезите и желудникот. Ќе помогне во циркулацијата и протокот на храната низ цревата, како и водата.
Има антиинфламаторно дејство
Поради своите антиинфламаторни својства, костенот е идеална храна за луѓето кои страдаат од артритис и ревматизам.
Внимавајте кога купувате костени
Кога купувате свежи костени, изберете овошје со сјајна површина и без видливо оштетување на лушпата. Кога ќе ги земете во рака, тежината треба да одговара на неговата големина, пренесува Vijesti.me.
