Сцената од серијата „Only fools and horses“ во која Дел Бој паѓа низ отворен бар е избрана за најсмешна сцена во британска серија на сите времиња. Вака гласале две илјади Британци во анкетата што ја спровел ТВ-каналот Голд.
Станува збор за сцената во која Дел Бој за време на вечерно излегување сака да се потпре на шипката, која во меѓувреме е подигната при што без да забележи тој паѓа на подот. Меѓутоа, неговиот пријател Тригер воопшто не регистрира што се случило. Дел Бој станува и се преправа дека не му е ништо, во отмен британски манир.
Истата анкета откри и дека „Only fools and Hhorses“ е омилена серија на Британците со 29 отсто од гласовите, додека Дел Бој е убедливо најомилен лик со дури 59 отсто од гласовите.
