Институтот за проучување на војната (ISW) објави нова анализа за војната во Украина, во која се осврна и на политичката ситуација во Русија. Според ISW, основачот на групата Вагнер, Евгениј Пригожин, сака да ја зајакне својата позиција и продолжи со напорите да го зголеми својот статус меѓу руската елита и неговото присуство во Санкт Петербург.
Тој е еден од блиските соработници на рускиот лидер Владимир Путин, кој заедно со чеченскиот лидер Рамзан Кадиров отворено ги критикуваше одговорните за неуспесите во Украина. Неодамна, Политико објави и дека и двајцата играат двојна игра и дека војната „започна јавна трка за наследници“.
Пригожин продолжува да ги напаѓа локалните власти во тој град и најавува создавање на Вагнер центар во Св. Петербург. На 31 октомври тој, наводно, побарал руското државно обвинителство да отвори истрага против гувернерот на овој град Александар Беглов. Имено, Пригожин тврди дека гувернерот организирал „злосторничка заедница“ во Св. Петербург и дека неговата криминална мрежа има намера да го ограби државниот буџет и да ги збогати корумпираните функционери.
ISW вели дека Пригожин веројатно ги критикува политичарите за да ја зајакне својата репутација – и неговата кампања можеби ќе работи. На 31 октомври, петербуршкиот весник ја окарактеризира популарноста на Пригожин како „високо растечка“ и го праша дали планира да основа партија или да се занимава со политика.
„Не се стремам кон популарност. Моја задача е да ја исполнам должноста кон татковината и денеска немам намера да создавам никакви партии, а камоли да одам во политика“, одговори тој.
Но, Пригожин може или не може да формира своја политичка партија, но тој се етаблира како политичка сила, користејќи го својот популарен статус и неговата поврзаност со Вагнер за да ги критикува своите противници во елитните кругови и да го институционализира сопствениот авторитет.
На 31 октомври тој ги критикуваше и руските олигарси и елити дека живеат во „состојба на удобност“ и спречуваат целосна мобилизација. „Се додека децата на елитата не одат во војна, нема да биде можна целосна мобилизација.
Пригожин најави и создавање на „ПМЦ Вагнер центар“ во Св. Петербург на 31 октомври, кој рече дека треба да биде отворен на 4 ноември. Центарот го опиша како „комплекс од згради каде што има места за бесплатно сместување на пронаоѓачи, дизајнери, ИТ специјалисти, експериментално производство и простори за старт-ап“. Тој наведе дека целта е да се создаде удобно опкружување за генерирање на нови идеи за зголемување на одбранбената способност на Русија.
Пригожин истакна дека не ја известил локалната администрација за отворањето на неговиот центар бидејќи локалната власт не е „доволно репрезентативна структура за да се меша во работата на ПВЦ Вагнер центарот“.
Пригожин ги предизвикал претставниците на локалната власт кои имале проблеми со неговиот центар да ги изведат на суд и предложил да основа нови филијали доколку филијалата во Санкт Петербург биде успешна. Приватните воени компании како Вагнер се нелегални според рускиот устав, додава ISW.
