И годинава традиционално се одржа празникот „Ноќ на вештерките“, кој во многу земји се обележува како забава под маски. На овој празник не му одолеаја ниту славните личност, а за автентичноста на нивните костими сѐ уште се зборува.
Пример за таков костим презентираше и 25-годишната ријалити ѕвезда Кајли Џенер, која за оваа посебна пригода го рекреираше изгледот на Елвира – лик од култниот филм „Елвира – господарка на темнината“ (1988 година).
Таа на својот инстаграм-профил објави фотографии од својот костим, а многу нејзини следбеници коментираа за оригиналноста на костимот, но и за начинот на кој го претстави, со оглед на тоа дека ликот на Елвира е спој на мрачен хумор и сексапилност.
„Ти си кралица на Ноќта на вештерките“, „Иконски костим“, „Воодушевена сум“, беа само дел од коментарите.
ФОТО: Инстаграм/Твитер
