Рускиот претседател Владимир Путин денеска треба да ѝ се обрати на јавноста, потврдија од Кремљ. Говорот треба да започне околу 15 часот по средноевропско време.
Путин ќе зборува пред учесниците на панелот организиран од московскиот „Валдаи” институт, со можност прашања да поставуваат независни новинари и аналитичари од западните земји.
Портпаролот на Кремљ, Дмитриј Песков, рече дека говорот на Путин ќе биде „анализиран, читан и препрочитуван уште неколку дена”.
– Тоа е главниот настан на денот што дефинитивно ќе треба подоцна да се анализира, неговата содржина да се проучува, чита и препрочитува – изјави Песков.
Темата на годинашниот собир е „Светот надвор од хегемонијата: правда и безбедност за сите”.
