Бојан Јовановски-Боки 13 денеска имал посета во затворот „Идризово“. Неговите родители отишле да го видат својот син кој пред два дена заврши во болница поради тоа што бил претепан од тројца затвореници.
Во изјава за порталот А1.он, Миле Јовановски, таткото на Боки, ја опишува состојбата на својот син.
– Бојан има видливи повреди, хематоми по главата, рани по лицето и околу устата, повредена му е левата рака и чувствува константни болки во стомакот, бидејќи тој веќе и има хронично абдоменално заболување, а домската лекарка буквално се изживува и не му пружа никаква медицинска помош и нега, не ја дава задолжителната терапија. Но и покрај сите повреди, линч и тортура, Бојан е психички во одлична кондиција, вели во изјавата Миле Јовановски.
