Ватикан и комунистичките власти во Пекинг го обновија на две години историскиот договор склучен во 2018 година во врска со незгодното прашање за именување бискупи во Кина, соопшти Ватикан.
„Светата столица и НР Кина, по консултации и соодветни проценки, се договорија да ја продолжат за две години важноста на привремениот договор за именување епископи, потпишан на 22 септември 2018 година“, а за прв пат обновен во 2020 година, објави Ватикан во соопштение.
Според „прелиминарниот“ договор од 2018 година, папата Франциско ги призна кинеските бискупи назначени од Пекинг без негов благослов. Со договорот двете страни ги добија правата за именување.
По тој договор дојде до затоплување на билатералните односи меѓу Ватикан и Кина.
