Трајко Славески, претседател на Советот на Град Скопје и член на ВМРО-ДПМНЕ вечерва за Сител изјави дека во моментот кога бил спасуван ЈСП никој не му открил колку пари има претпријатието на сметката. Тој откри и дека до 20 октомври требало да му биде доставен деветмесечниот извештај за ЈСП и за другите јавните претпријатија и дека без него нема доволно информации за состојбата. Меѓу другото, тој вели дека одобрените средства од Советот се доволни за следните три месеци.
– Со последниот трансфер, а имаше и претходно годинава, во првата половина ми се чини субвенции од страна на Град Скопје, како што беше кажано се обезбедени три плати на јавното сообраќајно претпријатие, за понатака ќе остане да видиме, да ги видиме финансиските извештаи на ЈСП. Инаку јас во овој момент требаше да го имам деветмесечниот извештај на ЈСП, како и на другите јавни претпријатија, сакав да го погледнам, но добивме известување дека заради одложување на седница на Надзорниот одбор, тие не се во можност да го запазат рокот од 20 дена по завршувањето на тримесечието. Значи требаше до 20-ти октомври да имаме Извештај – истакна Трајко Славески, претседател на Советот на Град Скопје и член на ИК на ВМРО-ДПМНЕ во централниот дневник на Сител телевизија.
Славески раскажа како Советот по сопствена иницијатива ја спасувал ситуацијата.
– По сопствена иницијатива моравме на некој начин спасуваме ситуацијата. Не ни беше кажано ниту колку е износот на месечната плата што треба да се исплати, ниту колку средства има самото претпријатие на буџетската сметка. После износот, откако беше задолжена предлог одлука со одлука на Советот која ја прифати иницијативата на Коалицијата предводена од ВМРО-ДПМНЕ го определи градоначалникот Арсовска. Околу 130 милиони денари – рече тој.
Тој посочи дека Град Скопје и Владата треба да расчистат меѓу себе околу субвенциите за бесплатните билети за средношколците и за студентите.
– Тоа со Владата треба да го расчисти градоначалничката Арсовска односно Градот Скопје затоа што едните кажуваат едно, а другите кажуваат друго. Малку е нејасна ситуацијата. Има настаното дисконтинуитет во субвенциите што ги има префрлано Влада на Република Македонија односно министерството за образование за бесплатните билети на студентите и средношколците. Но, тоа велам континуитет се беше изгубил за време на пандемијата, кога немаше настава со физичка присуство, и сега и за мене е нејасна состојбата. Како што видовте синоќа имавме ситуација кога беа поставени автобусите пред Влада, имавме од заменик градоначалникот изјава дека тие ќе останат таму наводно додека Владата не префрли средства, а утрото беа повлечени, па повторно ставени, па повторно повлечени. Мислам дека има еден несериозен пристап – заклучи Славески.
