Руски проектил погоди станбена зграда во јужниот украински град Николаев, при една од трите експлозии што го потресоа градот рано изутринава. Ракетата целосно уништи дел од зградата, која се наоѓа во централното подрачје на Николаев. Според претставник на градските власти, проектилот од типот бил С-300.
Украинските власти ноќеска соопштија дека е погоден „енергетски објект” во Киев, еден ден по смртоносните напади на руски беспилотни летала врз украинскиот главен град.
„Два удари врз енергетски објект во Житомир, кој се наоѓа западно од Киев, предизвикаа прекини на струја и вода. Државната служба за итни случаи работи на случајот“ – напиша на „Телеграм“ Кирило Тимошенко, заменик-шеф на кабинетот на украинскиот претседател.
Во меѓувреме украински медиуми јавија дека двајца украински работници во нуклеарната централа Запорожје, биле киднапирани во понеделникот, но западни медиуми не можеле да ја потврдат информацијата од независни извори.
