Германија одобри испраќање на 2.700 противвоздушни ракети во Украина, соопштија извори од Министерството за економија.
Станува збор за ракети „Стрела“ од советско производство од залихите на вооружените сили на поранешна Источна Германија.
Во последните денови владата на канцеларот Олаф Шолц ја промени својата повеќегодишна извозна политика и дозволи директна испорака на оружје за Украина за време на руската инвазија.
ДПА дознава дека Министерството за одбрана во последните денови проверувало какво друго оружје би можело да им биде доставено на украинските вооружени сили во екот на конфликтот со Русија.
Германија со години одбиваше да извезува оружје во воените зони и дозволуваше трети земји да испраќаат оружје произведено во Германија во такви области.
