САД имаат свои критични потреби на кои може да потрошат милијарди долари наместо да ги испраќаат во Киев, тврди водителот на „Фокс њуз“.
– Конгресот треба да ја отфрли божикната листа на Украина со барања за поголема американска помош – рече ТВ-водителот на „Фокс њуз“, Такер Карлсон, додека го нападна украинскиот претседател Володимир Зеленски за неговото последно барање за десетици милијарди долари за да ја одржи неговата влада во живот.
Зборувајќи за време на неговата емисија во четвртокот, тој го отфрли претседателот на Украина како „диктатор на најкорумпираната нација во Европа“ поддржан од славните личности.
– Што? Некој безобразен странец облечен во маица бара пари за своите критични економски потреби? И ние имаме критични економски потреби, другар. Кој си ти, трол? Изгуби се! – рече Карлсон како одговор на барањето.
Зеленски во средата побара помош од 55 милијарди долари од ММФ и Светската банка велејќи дека парите се потребни за обнова на неговата земја по штетите предизвикани од руските воздушни напади и за одржување на дефицитот на неговата влада. Вашингтон претходно ги продолжи гаранциите за суверени заеми за да го олесни задолжувањето на Киев.
Наместо да го финансираат конфликтот, АОК и другите самопрогласени прогресивци требаше да работат на „пробивање на магијата на хипнозата во која се наоѓа американскиот Конгрес“ и да го спречат да се потпише божикниот список на Зеленски, рече Карлсон.
