Потрошувачите во Босна и Херцеговина ќе плаќаат десет отсто повеќе за гасот на Газпром во последниот квартал од оваа година, објави увозникот Енергоинвест.
Енергоинвест објави дека рускиот снабдувач Гаспром експорт ги коригирал цените на природниот гас, мислејќи на промените во цената на нафтените деривати во последните девет месеци, но и на значителното зголемување на вредноста на американскиот долар во однос на вредноста на евра, односно конвертибилната марка.
Според сараевски „Дневни аваз“, цената на гасот ќе се зголеми за дополнителни 10 отсто, додека во првите девет месеци од годинава поскапела за 23 отсто од лани.
Енергоинвест побара од Владата на Федерацијата Босна и Херцеговина одобрение за новата цена на гасот. Досега разликата во повисоките цени на бензинот делумно ја субвенционираа владите на Федерацијата Босна и Херцеговина и кантонот Сараево, поради што Енергоинвест не може да им ја соопшти крајната цена на потрошувачите. Тој посочи дека со Гаспром експорт обезбедил снабдување со гас за претстојната зимска сезона.
Минатата година властите во БиХ одлучија да го префрлат снабдувањето со гас на Турски тек. Станува збор за гасовод што води од Русија до Турција, а БиХ се снабдува од нејзиниот крак што води преку Бугарија и Србија.
Властите на ентитетите во Федерацијата Босна и Херцеговина планираат да се поврзат со хрватскиот гасовод преку проектот за интерконекција на јужниот гас. Станува збор за гасовод кој би го диверзифицирал снабдувањето со природен гас во БиХ, а поврзувањето со хрватскиот гасовод би било во близина на Вргорац.
