Шведската истрага го зголемува сомнежот за саботажа на Северен тек
Сомнежите за саботажа на оштетените гасоводи Северен тек 1 и 2 во Балтичкото Море се зголемија по истрагата на местото на злосторството во ексклузивната економска зона на Шведска, соопшти во четвртокот тамошната полиција.Шведските и данските власти истражуваат истекување од руски цевки на четири локации откриени минатата недела во ексклузивните економски зони на Шведска и Данска.
„Имаше детонации во близина на Северен тек 1 и 2, во рамките на шведската економска зона, што резултираше со голема штета на гасоводите“, се вели во соопштението на шведската полиција.
На местото на настанот се запленети некои материјали и сега ќе се анализираат, а местото повеќе не е опколено, велат оттаму. „Продолжувањето на истрагата ќе покаже дали некој може да биде осомничен и подоцна кривично гонет за ова дело.
Портпаролот на Кремљ во четвртокот рече дека не мисли дека истрагата може да биде објективна без учество на Русија, откако Русија не беше поканета да учествува.
Данската полиција одби да ја коментира истрагата во ексклузивната економска зона на Данска.
