Австрија ја продолжи за 20 дена контролата на границата со Словачка, која ја воведе во исто време со Чешка минатата недела и требаше да заврши во сабота, објави австрискиот министер за внатрешни работи Герхард Карнер. Со ова Австрија ја следеше Чешка, која во средата објави дека ќе ја продолжи граничната контрола до 28 октомври, пренесува австриската агенција АПА.
Виена ја усвои мерката во тесна соработка со Прага. Карнер во соопштението рече дека продолжувањето на контролата е „неопходно за трајно и доследно да се спречи валканиот бизнис на шверцерите“ со мигрантите.
град
Според австриското Министерство за внатрешни работи, осум шверцери се уапсени од почетокот на граничната контрола со Словачка минатиот четврток, пренесе АПА.
Чешка воведе контрола на границата со Словачка поради зголемувањето на илегалната миграција. На тој начин, полицајците и цариниците повторно ги зазедоа своите позиции на сите 27 гранични премини меѓу двете земји, а ја контролираат и зелената граница.
Австрија, која ги надгледува границите со Унгарија и Словенија уште од големата миграциска криза во 2015 година, изјави дека сака да одговори на можните алтернативни рути за шверцерите како причина за воведување на истата мерка на границата со Словачка.
