Американскиот претседател Џо Бајден објави дека има намера да се кандидира за втор претседателски мандат во 2024 година, јави Ен-Би-Си.
Според медиумот, за време на приватен разговор со aктивистот за граѓански права Ал Шарптон во септември, Бајден му рекол дека „се подготвува повторно да го стори тоа”, мислејќи на неговата кандидатура за претседател.
Додека сојузниците на Бајден посочија дека тој ќе се кандидира за реизбор, претседателот допрва треба јавно да ја соопшти таа намера, јави Ен-Би-Си. Неговите зборови до Шарптон дојдоа на крајот од состанокот во Белата куќа со лидерите на некои од највлијателните организации за човекови права.
