Дали некогаш сте слушнале за Џоан од Кент? Што е со Елеонор де Монфорт? Или Гвенлијан од Велс? Освен ако не сте посветен студент на британската историја, одговорот е веројатно не. Но, она што го споделуваат, заедно со (накратко) Катерина од Арагон, е дека сите тие биле принцези од Велс во еден момент.
Низ поголемиот дел од историјата, титулата која сега и е доделена на Кетрин Мидлтон, сопругата на принцот Вилијам, значела личност која е предодредена да биде во голема мера заборавена, пишува Би-Би-Си. Тие секогаш биле „само“ сопружници на принцот од Велс, освен гореспоменатата Гвенлијан, единствената Велшанка на која нејзиниот татко Ливелин, последниот принц од Велс кој навистина бил од Велс, ѝ ја дал титулата.
Последната личност која ја носи титулата принцеза од Велс пред Кејт Мидлтон беше нејзината свекрва, покојната принцеза Дијана. По турбулентниот развод од тогашниот принц од Велс, сегашен крал Чарлс III, а подоцна и смртта на омилената принцеза, втората сопруга на кралот, Камила Паркер Боулс, не ни помислувала да ја прифати титулата кога се омажила за Чарлс во 2005 година. . Таа потоа се одлучи за пониска титула, онаа на војвотката од Корнвол.
Сега, кога е редот на Кејт Мидлтон да ја преземе титулата, медиумите во Британија се обидуваат да заборават дека ја нарекувале „wait Katie“ (Кејти која чека), бидејќи од 2001 година, кога го запознала принцот Вилијам, до нивната свршувачка дури девет години помина.
Но, ова може да биде неговата предност. Со текот на годините, таа имаше можност постепено да се подготвува за улогата што ја стекна во кралското семејство преку брак. На пример, таа се омажи за Вилијам на 29 години, што е една деценија постара од Дијана кога се омажи за Чарлс.
