Дали ги знаете сите симболи и светла кои светат на контролната табла во вашиот автомобил?
Еден сајт спроведе истражување според кое најпрепознатлива икона на таблата со инструменти е знакот за ниско ниво на гориво во резервоарот, што го препознале 91 отсто од испитаниците, пренесува Вечерњи лист.
Но, изненадувачки е што 35 отсто од испитаниците не го препознале знакот за ABS системот, 32 отсто не го препознале симболот за низок притисок во гумите, а 29 отсто не го препознале индикаторот за воздушни перничиња.
Резултатите се уште полоши за електричните и хибридните возила, кои имаат уште поспецифични симболи. Симболот на „електричен дефект“ не го препознале повеќето испитаници – дури 80 проценти.
Оваа икона, која предупредува на дефект на батеријата, моторот или жиците, ја има само кај електричните автомобили, па донекаде е разбирлива, бидејќи повеќето возачи во ЕУ сè уште немаат директен контакт со електричните автомобили.
