Седумдесет и седумгодишен маж починал како последица од напад на кенгур кој го чувал како домашно милениче, што е прв фатален напад од кенгур од 1936 година, јавуваат австралиските медиуми.
Локалните медиуми објавија дека болничарите биле повикани на имотот на еден човек во Редмонд, на околу 400 километри југоисточно од Перт во Западна Австралија, во неделата попладне, откако тој наводно бил нападнат од домашно милениче кенгур.
Телевизиската куќа 9 објави дека член на семејството го пронашол сопственикот на кенгурот тешко повреден и дека животното „станало насилно“ и ги спречило болничарите да му се приближат на човекот.
Локалните медиуми објавија полициско соопштение во кое се тврди дека биле принудени да го заспијат торбарот за да им овозможат на итните служби да го лекуваат човекот, кој подоцна починал на местото на настанот.
Последниот пријавен фатален напад на кенгур се случил во 1936 година, кога 38-годишен маж бил убиен од кенгур во Нов Јужен Велс, јавуваат австралиските медиуми.
