Одржувањето на Парадата на гордоста во Белград се откажува, односно се одложува. Ова на денешната прес-конференција го соопшти српскиот претседател Александар Вучиќ, кој додаде дека моменталните услови не дозволуваат такво нешто.
– Парадата на гордоста, што беше закажана за месец септември, ќе биде одложена или откажана, како сакате. Или како и да се вика тоа чудо, не е ни важно – изјави денеска Вучиќ и додаде дека премиерот и членовите на Владата „сѐ ќе објаснат согласно законот“.
Тој посочи дека Европрајд не може да се одржи поради „актуелната политичка ситуација во Србија“.
– Не го велам тоа затоа што сум многу среќен, но не можеме во овој момент, кога го имаме Отворениот Балкан и кризата на Косово – рече Вучиќ.
