Силно невреме зафати одредени делови на Грција. Во таа земја се најавуваат многу обилни врнежи и грмежи, како и опасност од поплави и порои.
Циклонот со голема надморска височина го помести својот центар над Грција.
Страшна снимка доаѓа од островот Андрос, каде улиците се целосно поплавени, додека на популарниот остров Миконос е снимена грмотевица.
Невремето го зафати и Санторини, каде автомобилите останаа заробени во невремето и калта на улиците.
Обилни врнежи го погодија и островот Тинос. Вчера туристите во Грција на социјалните мрежи објавија дека операторите им праќале пораки на мобилните телефони со предупредување дека ќе има невреме.
