Симптомите на коронавирусот може да бидат благи, умерени и тешки. Исто така, некои луѓе немаат никакви симптоми иако се заразени. Сепак, како што предупредуваат експертите, штом ќе престане инфекцијата, тоа не значи дека личноста е целосно здрава, некои луѓе симптомите ги чувствуваат неколку месеци.
Најновата британска студија покажа дека од 500 учесници со пост-ковид синдром, 75 отсто рекле дека вежбањето ги влошува нивните симптоми.
Експертите советуваат дека треба да поминат најмалку седум дена без симптоми пред да започнете со вежбање. Исто така, најдобро е да започнете со лесен тренинг најмалку две недели, како што наведуваат.
Најголем ризик е миокардитис или воспаление на срцевиот мускул. Оваа болест најчесто е предизвикана од вируси.
Американските истражувања покажаа дека пост-ковид симптомите негативно влијаат на работата на митохондриите, кои играат важна улога во телото, што доведува до кардиоваскуларни проблеми.
Експертите забележуваат дека секој може да има пост-ковид синдром, без оглед на сериозноста на симптомите за време на болеста. Затоа, здравствената заштита по Ковид е исклучително важна, велат тие.
