Да се биде во природа може да го подобри здравјето и да го намали стресот. Можете да кампувате или само да пешачите.
Ќе дишете подобро
Загадениот воздух може да биде поттик за алергиски реакции и други респираторни заболувања. Концентрацијата на загадениот воздух е и до пет пати поголема во затворени простори.
Студијата спроведена во 2016 година откри дека субјектите кои живееле во зелена средина имале до 34 отсто помали шанси да умрат од респираторни заболувања.
Ќе спиете подобро
За да ви работи правилно внатрешниот часовник потребно ви е влијанието на дневната светлина, па кога сте во природа порано ќе си легнете бидејќи ќе се чувствувате уморни, побрзо ќе заспивате и сонот ќе ви биде поквалитетен.
Симптомите на депресија ќе се намалат
Сонцето ќе го подобри расположението, ќе ги намали симптомите на замор и депресија. Светлосната терапија денес често се користи за лекување на симптоми на депресија, а доколку страдате од сезонска депресија, ќе почувствувате подобрување во рок од неколку дена.
Истражувањата покажаа дека луѓето кои страдаат од тешка депресија ќе се подобрат во рок од неколку недели.
Повеќе мотивација за вежбање
Ако одлучите да вежбате на отворено, сметајте на поголема мотивација во иднина бидејќи е полесно и поинтересно да се вежба во нова средина.
Ќе се изморите помалку. Имено, според истражувањето од 2013 година, луѓето кои вежбаат на отворено имаат помалку проблеми со вежбите со висок интензитет.
Посилен имунолошки систем
Вирусите се секогаш закана, но нема лесно да ги „соберете“ во шумата бидејќи циркулацијата на воздухот ќе го намали присуството на вируси во воздухот. Според истражувањата од минатата година, шансите да се заразите се 18 пати поголеми во затворен простор.
Потоа, да се биде во природа ќе му овозможи на имунолошкиот систем да работи правилно, што ќе го подготви да се бори со можни инфекции во иднина.
