За 15 минути ќе видиме кој е велесила, Кина или САД, напиша на Телеграм непосредно пред слетувањето на Ненси Пелоси во Тајван, чеченскиот претседател Рамзан Кадиров.
Откако претседателката на Претставничкиот дом на американскиот Конгрес безбедно слета во Тајпеј, а потоа се упати кон својата хотелска соба, Кадиров објави уште една порака, која најверојатно му беше наменета на кинескиот претседател Си Џингпинг.
„Па зошто мораше да правиш толку голем хорор, да плашиш луѓе, да викаш, кога можеше мирно една старица да ја пуштиш да слета на Тајван. Сè можеше да заври тивко и нечујно, ама не, една бабичка мораше со часови да се плаши од ловци, ПВО, разорувачи и гласни изјави“, објави Кадиров на Телеграм.
