Летните излети, патувањата и деновите на плажа лесно можат да бидат уништени од осите. Експертите велат дека нема да „нападнат“ додека не се почувствуваат загрозени или додека не го допрете нивното гнездо. Исто како пчелите, само женката може да ве боцка, но за разлика од нив, истата оса може да ве боцка неколку пати.
За воопшто да не ве убоди, избегнувајте да носите парфеми и мириси, како и шарена облека што привлекува оси. Ако се најдете во нејзина близина, останете смирени. Никогаш не допирајте осино гнездо!
Доколку немате среќа и ве искаса, отровот од оса може да предизвика оток и болка, но и анафилактичен шок доколку сте алергични. Некои од симптомите се чешање, вртоглавица, гадење и повраќање, болки во стомакот, низок крвен притисок, пишува The Sun.
Измијте го местото на убодот со сапун и вода, нанесете мраз или ладна облога десет минути за да го намалите отокот. Избегнувајте гребење и допирање на убодот за да спречите инфекција. Исто така, не нанесувајте никакви препарати како масла, креми, оцет, гелови. Доколку се појават посилни симптоми, задолжително посетете лекар, пренесува Вечерњи.хр.
