Бритни Спирс се враќа на музичката сцена, и тоа на голема врата.
Имено, јавноста наскоро ќе го слушне нејзиниот дует со Елтон Џон, односно обработката на неговата песна „Tiny Dancer“ од 1971 година.
Како што дознава „Пејџ сикс“, тие го снимиле минатата недела во студио во Беверли Хилс. „Јуниверзал мјузик“ ќе го објави следниот месец.
– Ова беше негова идеја, а Бритни го обожава. Снимија обработка на легендарниот сингл „Tiny Dancer“ и навистина звучи неверојатно – рекол неименуван извор.
Тој додал дека ова дефинитивно ќе биде хитот на летото и дека Бритни со нетрпение го очекува својот голем камбек. Инаку, последниот сингл наречен „Slumber Party“, Бритни го објави во 2016 година.
