Веста дека српската манекенка Бојана Шарац почина многумина шокираше. Според неофицијални информации, несреќната девојка се самоубила.
По повод смртта на Бојана, се огласи и нејзиниот татко, скршен од болка: „Замина мојата ќерка, Бог ми ја зема во нејзината 28-ма година…“.
Во светот на модата нејзиното име е добро познато. Успешно се занимаваше со манекенство во Србија и странство, додека пошироката јавност ја забележа во спотот на Реља Поповиќ за песната „Марија“.
Бојана Шарац студирала психологија, пренесуваат медиумите. Ништо на нејзиниот инстаграм-профил не навестувало за трагедијата, а последната фотографија ја објавила два дена претходно.
Пријателите и понатаму во шок се збогуваат со убавата Бојана во коментар: „Патувај со ангелите, ангелу“, „На сите ќе им недостигаш“… Кратко и болно прашање „зошто? многупати е прашано и нема одговор.
Бојана Шарац со години се одвојуваше од другите манекенки поради специфичниот стил, но и драстичните трансформации на изгледот.
Последните месеци живеела на релација Нови Сад – Лондон.
ФОТО: Инстаграм
