Ентони Фаучи, главниот советник за здравство на претседателот на САД, изјави во интервју за Политико дека планира да даде оставка до крајот на актуелниот мандат на Џо Бајден.
Во интервјуто објавено денеска, Фаучи изрази надеж дека политизацијата на ковид-19 е дел од минатото. Тој беше постојано мета на обвинувања меѓу кои и дека учествувал во наводното креирање на коронавирусот во лабораторијата во Вухан, Кина, заедно со кинески научници.
Во 2020 и 2021 година тој беше постојано критикуван од некои републиканци, меѓу кои имаше отпор кон спроведувањето на ограничувањата околу пандемијата и вакцинацијата, а дадени по препораки на федералните здравствени официјални лица во Вашингтон.
Фаучи е на возраст од 81 година. Во федерална служба е повеќе од 50 години и има работено за седум претседатели.
Тој е директор на Националниот институт за алергии и инфективни заболувања (НИАИД) од 1984 година, а стана познат во земјата и во светот како еден од првите луѓе во САД, кои ја координираа борбата против ковид-19.
За време на претседателството на Доналд Трамп, тој стана раководител во Белата куќа на координативната група за борба со коронавирусот.
Во интервјуто за Политико, Фаучи истакна дека неговата главна историска заслуга е борбата со СИДА-та. Истражувањата на овој вирус станаа негово животно дело и имено благодарејќи на своите заслуги и работа во оваа област, Фаучи стана раководител на НИАИД.
