Пратеничката на СДСМ, Снежана Калеска Ванчева, од собраниската говорница денеска порача дека ова е денот кога сите лаги и манипулации паднаа во вода, ова е денот кога ВМРО-ДПМНЕ треба конечно да излезе и да им се извини на граѓаните за нивната лага и манипулација.
– Денеска во македонското Собрание, Урсула Фон дер Лаен јасно и гласно кажа нема сомнеж дека македонскиот јазик е наш јазик, чист и заштитен, лага и манипулација е дека македонскиот јазик ќе стане бугарски дијалект, лага е дека Македонците ќе го изгубат својот идентитет со преговарачката рамка, нашиот идентитет не бил изгубен низ векови, нашиот јазик не бил изгубен низ векови. Ние сме Македонци со наш македонски јазик и такви ќе останеме и такви ќе влеземе во ЕУ, а сите лаги и манипулации нека служат на чест – истакна пратеничката на СДСМ, Снежана Калеска Ванчева.
