Романтиката не смее да трпи и во време на политички кризи, а во една таква криза се наоѓа и Босна и Херцеговина, па така дечко се решил на смел чекор и ја извел девојката на собраниска седница каде што се разговарало за уставните измени.
Ова го потврди и претседателката на Главниот одбор на НС (Наша странка), Сабина Чудиќ, која го пофали дечкото за храброста.
„Вечерва на јавната расправа за амандманите на Уставот еден дечко излезе на говорница со цел да каже дека е тука на состанок со девојката. Генијално. Дами уште има надеж“, напиша Чудиќ на Инстаграм каде што го сподели и видеото.
Таа на снимката вели дека со ваква младина не треба да се секираат за својата иднина, што било дочекано со аплауз од присутните.
