Министерство за надворешни работи на Бугарија испрати протесна нота до македонското министерство, поради антибугарските пораки коишто се присутни деновиве на протестите во Скопје.
„Особено загрижувачки е што злонамерните дела на јавниот простор ескалираат во време кога Софија и Скопје активно бараат начин за конструктивен дијалог и изнаоѓање трајни заеднички прифатливи решенија во интерес на европската интеграција на Република Северна Македонија и регионот. Веруваме дека ваквите настани ќе станат дел од минатото, а нашите две земји ќе успеат да отворат нова страница во односите, засновани на меѓусебно почитување и искрено пријателство“, пишува во нотата на бугарското МНР.
Оттаму тврдат и дека протестите во Скопје биле со антиевропски наратив.
