Институтот за проучување на војната (ИСВ) од САД објави нова анализа за војната во Украина. На мапите со сино се означени украинските сили кои пробуваат да вратат територии околу Херсон, Харков и Миколаев. Руските сили се повлекоа од Змискиот остров вчера, на 30 јуни, а руското Министерство за одбрана тоа го опиша како „знак на добра волја“, пишува Нова.
Поразот на Русија на Змискиот остров ќе го намали притисокот врз украинскиот брег, но самото повлекување на Русија нема да стави крај на поморската блокада бидејќи руските сили имаат пристап до копнените противбродски системи на Крим и западен Херсон, кои сè уште можат да го таргетираат украинскиот товар.
Руските блогери кои пишуваат за војната најмногу ја бранеа одлуката на руските трупи да се повлечат, тврдејќи дека приоритет на руските сили е „заземањето на Донбас“. Некои рекоа дека руските сили немаат капацитет да ги уништат украинските крајбрежни трупи, додека други тврдат дека руските сили ќе бидат поуспешни во нападот на Украинците кога ќе се обидат да распоредат свои војници на островот.
Понатаму, руските блогери претходно ја критикуваа руската воена команда дека не се повлече за да заштеди опрема и персонал и веројатно сега се задоволни со повлекувањето на Русија од Змискиот остров.
Следејќи го ставот на Кремљ, дури и руските блогери кои пишуваат за војната не признаа дека повлекувањето на руските војници од островот е последица на украинските напади.
Институтот ИСВ исто така наведува дека украинските контранапади продолжуваат да ги принудуваат руските трупи на одбранбени операции на јужната оска. Украина тврди дека украинските сили повторно воспоставиле контрола над Потемкин во северозападниот дел на Херсонската област.
Украинските трупи продолжуваат постепено да напредуваат и да вршат притисок врз руските сили да одржуваат одбранбени линии, додава ИСВ.
