Размена на артилериски оган, но и борба од блиску, во моментов се одвива меѓу украинските војници и милициите на побунетите региони на Доњецк и Луганск.
Од бунтовничката страна информираа за борба со украинските војници на повеќе точки, а објавено е и видео во кое може да се види размена на оган од релативна близина.
Во поширокиот дел на Донбас е издадена наредба за евакуација на цивилното население, а веќе 40.000 луѓе се префрлени во Русија. Објавена е и информацијата дека двајца цивили загинале од оган отворен од украинска страна.
Во неколку места е објавена тревога за воздушен напад. Објавена е фотографија од разрушена куќа, која наводно настрала од артилериски оган.
Голем број на аналитичари се плашат дека наскоро сосотјбата на истокот од Украина би можела да се претвори во конфликт од големи размери, што може да доведе до импликација на руските војници кои се стационирани на само неколку километри од фронтот во Донбас.
