Екипа на Јавното комунално претпријатие (ЈКП) „Градска Чистоќа“ била нападната во Белград при спроведување на акцијата за сузбивање на возрасни форми на комарци, соопштија денеска од тоа претпријатие.
Како што јави Беоинфо, инцидентот се случил синоќа околу 21 часот на улицата Лустичка во белградската општина Звездара, кога од една тераса со тврд предмет било удрено возило „Чистота“ при што бил оштетен покривот, но никој од вработените не бил повреден.
Полициската екипа веднаш излегла на терен и извршила увид, при што осомничениот го негирал нападот, се наведува во соопштението.
Директорот на ЈКП „Градска чистоќа“, Марко Попадиќ изјави дека причината за стравот поради сузбивањето е неоправдана и дека насилството е недозволиво.
Екипите на ЈКП „Градска Чистоќа“ не можат да си ја вршат работата доколку се секојдневно пресретнати од непознати лица, навредувани, закани, удирање и стопирање возила. Секој напад ќе го пријавиме до надлежните и ќе поднесеме кривична пријава против напаѓачите затоа што мораме да ги заштитиме луѓето кои прават бизнис за доброто на сите белграѓани“, рече тој.
Попадиќ истакна дека е огорчен поради зачестените напади, каменување возила и непочитување и истакна дека мора да се дозволи непречено да работат екипите на „Чистота“, „ако не сакаме комарците да ни прават поголеми проблеми во наредниот период.
