На полиците на московските супермаркети се продаваат шишиња вотка со ознака „Солзите на Зеленски“. Ова, барем се чини, го потврдува видео кое кружи на социјалните мрежи, пишува Њузвик. Автентичноста на брендот не е потврдена, а според човекот кој го снимил клипот „шега е дека се продава ваква вотка“ во Москва.
Под насловот и сликата од расплаканиот Зеленски на шишето е напишано „ограничено издание“, но на англиски јазик.
Видеото беше постирано токму во момент кога Русија е на пат да го освои Севердоњецк. Руските трупи се собраа околу градот. Доколку ги заземе Северодеоњецк и Лисичанск, Русија би можела да прогласи формална победа, односно остварување на целта за окупирање на регионот Донбас сѐ до Крим.
