Грчката православна црква денеска го поздрави „исцелението на расколот од 1967 година и востановувањето на црковното општење“ на светата Охридска Архиепископија, но истовремено изрази голема загриженост поради недоамнешното писмо на СПЦ, пред сѐ поради користењето на името „Македонска православна црква“.
Според Атинската Архиепископија, на тој начин се навлегува во внатрешните работи на Црквата на Грција која, исто така, под своја јурисдикција има област наречена „Македонија“. Дополнително, загриженоста на Атинскиот Синод е уште поголема и поради наводното доделување на автокефалија од страна на Црквата на Србија, бидејќи „единствената надлежна институција за доделување Автокефалност е Сечесната Вселенска Патријаршија“.
На крај, во соопштението на Православната црква на Грција се вели дека „Светиот Синод ѝ посакува на Свештената Охридска Архиепископија под Неговото Блаженство Архиепископот г. Стефан, конструктивно да го исползува нејзиното враќање во црковното единство и подигањето на шизмата“.
