Бразилскиот модел Алесандра Амбросио знае како да го привлече целото внимание, а со овие црни панталони дефинитивно и успеа.Бразилскиот модел Алесандра Амбросио неодамна отпатува во Мадрид и приреди вистинска модна ревија веќе на улица, а многу модни ентузијасти се свртеа кон неа и се прашуваа каде ги купила модните парчиња што ги носела тој ден.
Алесандра е позната по нејзините разновидни модни вкусови. Ја сака спортската мода, одлично се чувствува и во елегантна вечерна облека како и во класични костими. Таа дефинитивно е вистински моден камелеон кој одговара на се, а нејзината гардероба нуди навистина богат избор на тренди парчиња кои модните критичари ги обожаваат.
Во Мадрид дошла службено и присуствувала на настан организиран од светски познатиот бренд на часовници, а на пречекот буквално блеснала.
За оваа прилика избрала специјални црни панталони кои ќе ве однесат во светот на бајките, веројатно ќе се сетите на херојот од бајките Аладин и неговиот чудесен тепих кога ќе ги погледнете.
Својата модна комбинација ја надополни со црна јакна украсена со „ланчиња“, која на нејзиниот имиџ и даде дополнителен бајковит шарм. Како надополнување на се, Алесандра носеше само украсен црн градник под сакото, кој изгледаше многу пристојно и софистицирано, а на целокупниот изглед му додаде допир на повеќе елеганција.
Смелата модна комбинација малкумина ги остави рамнодушни, а панталоните кои ги носеше во Мадрид речиси сигурно ќе танцуваат на многу забави ова лето, бидејќи се елегантни и во исто време исклучително удобни.
