Од министерството за внатрешни работи информираат дека во утринските часови во Ченто биле приведени четворица Британци на 18 и 19 годишна возраст кои одзеле такси возило и притоа го оштетиле.
Како што стои во соопштението од МВР, во 05:45 часот на улица „Методија Андонов Ченто“, полициски службеници од Полициската станица Гази Баба ги лишиле од слобода Х.М.(18), Д.М.(19), Л.Б.(19) и К.П.(18), сите од Велика Британија.
– Четворицата Британци околу 01:50 часот одзеле такси возило „фолксваген голф“ со скопски регистарски ознаки од Џ.М.(39) од Скопје, по што со возилото удриле во банкина на подрачје на Гази Баба – информираат од МВР.
Оттаму даваат лицата биле приведени во полициска станица и по целосно документирање на случајот против нив ќе биде поднесена соодветна пријава.
