Започнувањето на денот со местење на креветот е дел од секојдневната рутина на повеќето луѓе. Меѓутоа, еден експерт за чистење објасни зошто го смета за лоша навика.
„Никогаш не треба да го местиш креветот наутро. Оставете го креветот да проветрува најмалку еден час пред да го исчистите, тоа е добро решение за да се намали можноста за размножување на грини“, напиша таа на својот профил наречен Cleanhome_cleanmind на TikTok.
Се верува дека јорганот на наместен кревет всушност ја задржува влагата што телото ја ослободува во текот на ноќта, па затоа вентилацијата е најдобрата опција, особено во топлите летни месеци. Во спротивно постелнината би можела да смрди, а тоа последователно може да влијае на квалитетот на сонот, пренесува Индекс.
Следбениците развија дискусија во коментарите, а еден напиша: „Мајка ми секогаш велеше дека ненаместен кревет е здрав кревет“.
„Никогаш не го средувам креветот, останува неуреден додека не заспијам“, напишал некој друг. „Очигледно правам нешто како што треба.
Други се пошегуваа дека советот е добар начин да се оправда фактот дека никогаш не успеале да го наместат креветот наутро. „Претпоставувам дека веќе не се чувствувам толку лошо затоа што едвај имам време наутро како зафатена мајка“, се пошегува една придружничка.
