Русија ќе формира 12 нови воени бази на западот од земјата како одговор на зајакнувањето на НАТО и очекуваното проширување на Алијансата во Финска и Шведска, изјави денеска рускиот министер за одбрана Сергеј Шојгу, јавува Нова.
– До крајот на годината, 12 воени бази и единици ќе бидат распоредени во Западниот воен округ – изјави Шојгу на претставниците на одбраната и армијата.
Министерот исто така рече дека освојувањето на источноукраинскиот регион Луганск е речиси завршено и дека 1.908 украински војници од фабриката за челик Азовстал во Мариупол се предале.
– Ослободувањето на Луганската Народна Република е речиси завршено – изјави Шојгу, пренесоа руските агенции.
