Нов коронавирус откриен во Кина – Што велат научниците за „HKU5“ кој се пренесува на луѓето

Тим кинески научници откри нов коронавирус кај лилјаци со потенцијален ризик од пренос од животни на луѓе, но не треба да се преувеличува ризикот од негова појава кај човечката популација, објави хонгконгскиот весник „Саут Чајна Морнинг пост“.

Студијата беше спроведена од научници од Академијата на науките во Гуангжу, Универзитетот Вухан и Институтот за вирологија Вухан, предводени од вирологот Ши Женгли, во лабораторија во градот Гуангжу, во јужната кинеска провинција Гуангдонг.

Научниците идентификуваа нова варијанта на вирусот „HKU5“ во јапонски лилјак во Хонг Конг, член на семејството на меровируси, како вирусот што предизвикува блискоисточен респираторен синдром (МЕРС).

- Advertisement -

Според истражувачите, идентификуваниот вирус може да се поврзе со човечкиот ензим за конвертирање на ангиотензин (ACE2), истиот рецептор што го користи вирусот Сарс-КоВ-2 што предизвикува ковид-19 и ги инфицира клетките.

„Известуваме за откривање и изолација на посебна лоза (лоза два) на ‘HKU5-CoV’ која може да користи не само ‘ACE2’ на лилјак, туку и човечки ‘ACE2’ и разни ортолози ‘ACE2’ од цицачи“, напишаа научниците во трудот објавен во списанието „Sel“.

Истражувачите исто така изјавија дека мербековирусите на лилјаците претставуваат висок ризик од ширење на луѓето или преку директен пренос или преку посредни домаќини.

Тие веруваат дека „HKU5-CoV-2“ се врзува за „ACE2“ рецепторите не само кај луѓето, туку и кај многу други видови, од кои сите можат да дејствуваат како посредни домаќини и подоцна да го пренесат вирусот на луѓето.

Научниците додадоа дека е потребно повнимателно следење на вирусот, имајќи предвид дека неговата моќ е „значително помала“ од онаа на вирусот ковид-19 и „не треба да се преувеличува ризикот од појава на ‘HKU5-CoV-2’ кај човечката популација“.