Британските медиуми објавија видео кое се рашири на социјалните мрежи, на кое наводно се гледа движењето на воени возила кон финската граница. Се верува дека тие носат ракети Искандер и се движат кон Виборг, град на помалку од 50 километри од Финска и околу 217 километри од главниот град Хелсинки, пишува Мирор.
Според ДејлиМејл, проектилите „Искандер“ можат да извршуваат широк спектар на улоги во зависност од боевата глава со која се опремени. Меѓу другото, тие можат да носат нуклеарно полнење за кое се смета дека е околу четири пати помоќно од бомбата што ја уништи Хирошима.
Ракетите имаат дострел до околу 480 километри и најчесто се носат со патни мобилни лансери, што го отежнува нивното наоѓање и уништување.
